Celine妹妹開紅館騷輟學唱足四個月?

http://nextplus.nextmedia.com/news/latest/20171019/555020

Celine妹妹譚芷昀因為參加節目《全美一叮》(America's Got Talent)人氣急升，唔少人都話佢係香港之光。佢雖然只得9歲，但已經簽咗經理人公司，爸爸譚順生加埋經理人公司老闆蕭定一已經足夠推Celine妹妹上紅館。之前蕭定一提過想為Celine妹妹搞紅館騷，不過一直未排到期，最近好似有啲消息喇!早前某個網站就流傳Celine妹妹開紅館演唱會嘅時間，而開騷日期就會由今年12月1日唱到3月31日，後面仲標明係每日唱，哇!咁咪即係唱足四個月?咁出奇嘅演出時間自然引起一班網友嘅注意啦!不過唔少網友都覺得演出時間只係依四個月入面其中一日啫，因為年尾有千嬅十場跨年騷，出年亦都有其他歌手嘅演唱會，點睇都唔似會有人肯讓期啦!